8 ноябрь куни Россия чемпионатининг 15-туридан ўрин олган яна 2 муҳим баҳс ўтказилди.
Дастлаб, "Краснодар" жамоаси ўз майдонида ЦСКАни қабул қилиб, 2:1 ҳисобида устун келди.
"Локомотив" эса, Москвада "Зенит"ни 2:0 ҳисобида доғда қолдирди.
Ўзбекистон терма жамоаси вакили Одил Аҳмедов ЦСКАга қарши ўйинда асосий таркибда тушиб, майдонда 75-дақиқа ҳаракат қилган бўлса, "Локомотив"нинг ўзбекистонлик аъзоси Виталий Денисов "Зенит"га қарши 90 дақиқа майдонда тўп сурди. Ҳар иккала футболчимиз огоҳлантириш олганини ҳам таъкидлаш лозим.
Эндиликда, мавсумдаги илк мағлубиятига учраган ЦСКА 36 очко билан турнир жадвалининг биринчи ўрнида қолмоқда.
"Локомотив" эса очколари сонини 30тага етказган ва учинчи ўринга кўтарилган. "Зенит" 26 очко билан тўртинчи, "Краснодар" эса 24 очко билан бешинчи бўлиб турибди.
Россия чемпионати, 15-тур
Краснодар – ЦСКА 2:1 (2:1, 0:0)
Голлар: 1:0 – 18 Смолов, 1:1 – 28 Дзагоев, 2:1 – 30 Смолов.
Краснодар – Дикань, Енджейчик, Сигурдссон, Гранквист, Калешин, Аҳмедов (Лаборде, 75), Каборе, Газинский (Торбинский, 70), Мамаев, Ари (Быстров, 87), Смолов.
ЦСКА – Акинфеев, Фернандес, Березуцкий, Игнашевич, Щенников (Панченко, 77), Вернблум (Натхо, 46), Дзагоев, Миланов, Тошич, Муса, Думбия.
Огоҳлантиришлар: Вернблум (45), Березуцкий (56), Аҳмедов (70), Ари (81), Лаборде (90).
Локомотив – Зенит 2:0 (0:0, 2:0)
Голлар: 1:0 – 48, автогол Ломбертс, 2:0 – 58 Самедов.
Локомотив – Гильерме, Янбаев, Шишкин, Дюрица, Денисов, Коломейцев, Ндинга, Миранчук (Михалик, 86), Самедов, Майкон (Григорьев, 66), Ньяссе (Шкулетич, 90).
Зенит – Лодигин, Кришито, Нету, Анюков (Евсеев, 76), Ломбертс, Юсупов, Гарсия (Витцель, 64), Данни, Рязанцев (Смольников, 72), Дзюба, Халк.
Огоҳлантиришлар: Халк (49), Гарсия (61), Майкон (62), Нету (74), Денисов (80).
