Туриннинг "Ювентус" клуби бош мураббийи Массимилиано Аллегри жамоа дарвозабони Жанлуижи Буффоннинг "Эмполи"га қарши кечган учрашувдаги ўйинини юқори баҳолаб, уни барча даврларнинг "энг яхши дарвозабони" дея эътироф этди.
– Мен Буффон билан бирга ишлаётганимдан хурсандман. У барча даврларнинг "энг яхши дарвозабони", – дейди Аллегри жамоасининг кетма-кет иккинчи ғалабасидан сўнг.
Келаси йили январда 38 ёшни қарши оладиган италиялик посбон юқори даражада ўйин кўрсатиб, жамоасининг мувафаққиятларида ёрдам бериб келмоқда. Бу натижадан сўнг "кекса синьора" вакиллари 18 очко билан турнир жадвалининг 7-поғонасига кўтарилиб олди.
