Германия футбол иттифоқ (DFB) "Вольфсбург" ярим ҳимоячиси Юлиан Дракслерни икки ўйинга дисквалификация қилди ва 10 минг евро миқдорида жарима тортди.
Гап шундаки, Дракслер Бундеслига 12-тури доирасида "Майнц"га қарши кечган (0:2) учрашувнинг 13 дақиқасида рақиб футболчиси Гонсало Харани атайлаб қўполлик билан тўхтатиб қолганлиги учун тўғридан-тўғри қизил карточка олганди. Ушбу вазиятни ўзганиб чиққан Германия футбол иттифоқи унга юқорида айтиб ўтилган жазони қўллади.
Клуб ва футболчининг ўзи DFB қарорига қарши чиқмади ва улар апелляция беришмайди.













