ОАВда Луис Диаснинг "Бавария" билан шартномасидаги ғайриоддий банд ҳақида маълум қилишди.
Шундай қилиб, клуб шартномага "тил ўрганиш банди"ни киритган. У Диасга мунтазам равишда немис тилини ўрганиш мажбуриятини юклайди. Луис учун ҳафтасига 2-3 та машғулот ташкил этилади. Ҳар ҳафта якунида колумбиялик футболчи ўз прогрессини тасдиқлаш учун имтихон топширади.
Агар Луис Диас немис тилини ўрганишни тўхтатса ёки имтихондан ўта олмаса, клуб уни жаримага тортиш ҳуқуқига эга. Жарима миқдори 5 мингдан 50 минг еврогачани ташкил этади.













