Худудий босқичда ажойиб натижаларни қайд этган, Азамат Алиқулов бошқарувидаги “Насаф” ФМ 2001 йилда туғилган тайёрлов гуруҳи Бухорода мамлакат биринчилиги финал босқичида иштирок этмоқда.
Мусобақанинг “Б” гуруҳидан жой олган “Насаф-2001” жамоаси 8 ноябр куни Фарғонанинг ”Нефтчи” жамоасига қарши майдонга саф тортишди. Чемпионликни мақсад қилган қаршиликлар рақиблари устидан 2:0 ҳисобида зафар қучишди.
Гол муаллифлари: Анвар Ҳусанов (17-дақ), Илнур Жориёқулов (68-дақ).
Бугун Алиқулов жамоаси соат 10:00да Тошкентнинг “Обод-Бунёдкор” жамоаси тайёрлов гуруҳи билан беллашади.
Фахриддин Чориев
