АS нашрининг тадқиқотларига кўра, Мадриднинг “Реал” клуби ўйинларида ярим ҳимоячи Гарет Бейл иштирок этганда кўпроқ имкониятни бой берган.

Испания пойтахтида икки ярим йил ичида Гарет 34 та учрашувни ўтказиб юборди. Бу ўйинларнинг 28 тасида “Реал” зафар қучган, 5 марта дуранг ва бир марта мағлубиятга имзо чеккан. Жамоа Бейлсиз барча ўйинларнинг 82,3 %ида ғалаба қозонган бўлса, фақатгина 2,9 %ида имкониятни бой берган.

“Қироллик клуби” Гаретсиз 111 та гол киритиб (ўртача ҳар бир ўйинда 3,2 та), 20 та ўтказиб юборган (ўртача 0,58 та). Шунингдек “Реал” Бейл иштирокидаги ўйинларнинг 70 тасида ғалаба (70,7 %), 13 та дуранг ва 16 тасида мағлубиятга (16,2 %) имзо чеккан.