Қуйида олий лигада учраган айрим кўрсаткичларга рақамлар орқали назар солмоқчимиз. Уларнинг баъзилари ҳатто мухлисларни мулоҳазага чорласа ажабмас.
Ўзхбекистон чемпионатидаги энг қўпол футболчи ким: Улуғбек Бақоевми ёки Мирғиёс Сулаймонов? Бақоевда айни пайтга келиб 11та, Сулаймоновда эса 10та сариқ карточка бор. Ундан ташқари И.Отахонов ва Н.Букаткин ҳам 10тадан сариқ карточка ишлаган. Эътибор берадиган бўлсак, мавсум якунланишига яна бир тур бор.
Қуйидаги жадвал орқали бу борадаги саволга жавоб топиб олиш мумкин.
Амалга оширилмаган пенальтилар
Сўнгги 5та амалга оширилмаган пенальтига диққат билан назар солсак, улар тепилаётган пайтда ўйинда ҳисоб очилмаган эди ва уларнинг 4тасини мезбонлар тепишган.
«Металлург» уйда ва сафарда қандай ўйнайди?
Кўпчиликни эътибори сўнгги пайтларда «Металлург» клубига қаратилган. Қуйидаги жадвалда ушбу клубнинг олий лигадаги рақиблари билан ўзаро қандай ўйнаганлиги акс эттирилган. Хулоса чиқариш ўзингиздан.
Клубларнинг октябрь ойидаги
натижалари
Хориж футбол сайтларига назар ташласак, унда ҳар бир чемпионатда ой якунларига кўра энг яхши жамоа аниқланади. Биз эса октябрь ойида ўтказилган тур ўйинларини шунчаки бир жадвалга жамладик. Якунни эса ўзингиз кўриб турибсиз.
Санада яна ўзгариш
Олий лига 30-тури доирасидаги «Бунёдкор»-«Қўқон-1912» учрашуви санаси ўзгарди. ЎзПФЛнинг қарорига кўра, учрашув 20 ноябрдан 19 ноябрга кўчирилди. Учрашув «Бунёдкор» стадионида соат 14:00да бошланади.
