Эртага Доҳа шаҳрида бўлиб ўтадиган Яман - Ўзбекистон учрашуви олдидан ҳар икки терма жамоа бош мураббийлари ва ҳамда биттадан футболчи иштирокида матбуот анжумани ўтказилди. Матбуот анжуманининг биринчи қисмида терма жамоамиз бош мураббийи Самвел Бабаян ва Сардор Рашидов иштирок этди.
– Эртага олдимизда навбатдаги учрашув турибди. Яман термаси Тошкентдаги биринчи учрашувда ўзини кўрасата олди. Филиппинга қарши кечган сафардаги баҳсда Яман ғалаба эришиб, яхши кайфиятда етиб келди. Саралаш баҳсларида кучсиз рақибнинг ўзи йўқ. Бизнинг бўлажак ўйинга тайёргарлигимиз кўнгилдагидек ўтди ва эртага ўзимизнинг энг яхши футболимизни намойиш этишга ҳаракат қиламиз, – дея сўз бошлади Бабаян.
– Терма жамоаларнинг имкониятлари ҳақида нима дея оласиз? Таркибдаги йўқотишлар борми?
– Терма жамоамизда йўқотишлар йўқ. Биз тўлиқ таркиб билан Қатарга етиб келганмиз. Терма жамоаларнинг имкониятларига келадиган бўлсак, бизда рақибдан анча кучлимиз, аммо бу ғалаба қозонамиз дегани эмас. Яман термаси таркибида ёш ва иқтидорли футболчисилар талайгина. Уларнинг асосий қуроли эса бу дарвозабон ҳисобланади. Бу терманинг ютуқларининнг асосий сабабчиси ҳам дарвозабондир. У Тошкентда ва Филиппинда бўлган учрашувларда ўзини кўрсата олди.
Учрашув 17 ноябрь куни бизнинг вақт билан 20:30да старт олади.
