Биласиз, сўнгги вақтларда кўплаб нашрлар Криштиану Роналдунинг “Манчестер Юнайтед”га қайтиши мумкин экани ҳақида ёзишмоқда.
“Қизил иблислар” жамоаси ярим ҳимоячиси Хуан Мата мазкур гап-сўзларга ўз муносабатини билдириб ўтди.
- Жамоамиз ишқибозлари Криштиану Роналдуни жуда яхши кўришади. Буни сезиш қийин эмас. Аммо фикримча, Криштиану “Манчестер Юнайтед”га қайтмаса керак. Чунки у айни дамда “Реал”да ўзини бахтли ҳис этмоқда. Биз эса таркибимизда бор футболчилар билан олға интилишимиз ва улкан ғалабаларга эришишимиз лозим, - дейди маҳоратли ярим ҳимоячи.
Таъкидлаб ўтамиз, Роналду 2003-2009 йиллар мобайнида “Манчестер Юнайтед” сафида тўп сурган. У инглиз жамоаси сафида 292 та учрашувда майдонга чиқиб, 118 марта муваффақият қозонишга эришган.