Замонавий футболнинг етук намоёндаларидан бири, машҳур ҳужумчи Рауль Гонсалес футболчилик фаолиятини якунлади.
Рауль “Нью-Йорк Космос”нинг NASL (Шимолий Америка футбол лигаси)да ғалаба қозонишига хисса қўшди ва финалдан сўнг афсонавий ҳужумчи катта футболдан кетаётганини маълум қилди.
- Мен ўз футболчилик фаолиятимни тугатишга қарор қилдим. Фаолиятим давомида буюк жамоа сафида тўп сурганимдан хурсандман. Мен қаерда ўнамай, доимо футболдан завқ олишга уриндим. Буни уддалай олганимдан шодман. Энди бироз дам олмоқчиман. “Реал”га қайтаманми ёки йўқми – билмайман. Ҳозирча оилам даврасида дам олишни истайман, - дейди маҳоратли футболчи.
