Бразилия терма жамоаси бош мураббийи Дунга мухлислар томонидан билдирилаётган танқидлар юкини кўтариб юришга тайёр.
Мутахассис ЖЧ-2018 саралаши доирасида Перуга қарши учрашув олдидан фанатларни сабрли бўлишга чақирди.
– Мухлислар уларнинг жамоага кўмаги қанчалик муҳим эканини тушунишлари лозим. Ҳаммасини уддалаймиз. Фақат сабр қилиш зарур. Фанатлар ҳам бунга тўғри баҳо беришлари керак. Умуман биз улар томонидан билдириладиган танқидларга тайёрмиз. Менимча у қадар катта босим остида эмасман. Сабаби биз кўп йиллик режага асосланиб ёрқин келажак учун интилаяпмиз. Лавозимимни тарк этаман деб айтмаган бўлардим.
