“Бавария” ҳимоячиси Давид Алаба майдонда ранг-баранг ўйин намойиш қиладиган футболчи. Австрия терма жамоаси аъзоси бир эмас бир неча позицияда ҳаракат қила олади ва бу Мюнхен клуби устози Хосеп Гвардиолага жуда қўл келаяпти.
Аммо Алабанинг ўзига мураббийнинг ушбу ротациялари ҳуш келмаётган кўринади.
“Ўтган мавсумнинг аксар ўйинларини майдон марказида ҳаракат қилиб ўтказдим. Шунинг учун бу йил ярим ҳимоячи сифатида ўйнайман деб ўйлагандим.
Бироқ жамоада жароҳатланганлар кўплиги боиси бунинг иложи бўлмаяпти. Мураббий нималарга қодир эканимни яхши билади, лекин вақти келиб фақат бир позицияда ҳаракат қилишимга умид қиламан”, — дея Алаба сўзларини келтиради Kicker га асосланиб Championat.com.
