Дортмунднинг "Боруссия" клуби ярим ҳимоячиси Нури Шахин 9 ой танаффусдан сўнг яна машғулотларга қўшилди. 27 ёшли футболчи февралда жароҳат олиб сафдан чиққан эди. Бу ҳақда футболчининг ўзи твиттер саҳифасида хабар берган.
– Машғулот майдонида туриш ва жамоадошларим билан бирга машқ қилишни жуда соғингандим, – дейди Шахин.
Эслатиб ўтамиз, унинг сўнгги учрашуви ўтган мавсумда "Шальке 04" билан бўлиб, "сариқ-қоралар" 3:0 ҳисобида ғалаба қозонган. "Боурссия Д" Германия чемпионати 13-турида "Гамбург" майдонига (20.11) сафар уюштиради.