Биласиз, ОФК ҳар йил якунида энг яхшиларни аниқлаб келади.
Бу йил энг яхшиларни аниқлаш маросими Ҳиндистон пойтахти Нью-Дели шаҳрида бўлиб ўтади. ОФК расмий сайтининг маълумот тарқатишича, қитъамизда йилнинг энг яхши футболчиси бўлиши мумкин бўлган ўйинчилар сони 3 тагача қисқартирилди. Унга кўра, БААлик футболчилар Аҳмад Ҳалил ва Омар Абдулраҳмон ҳамда хитойлик Женг Жилар 2015-йилнинг энг зўр футболчиси бўлиш учун асосий даъвогарлар дея эътироф этилишмоқда.
Биласиз, номзод футболчиларнинг 10 талик рўйхатидан ҳамюртимиз Сардор Рашидов ҳам ўрин олган эди. Аммо якуний рўйхатдан жой олиш миллий терма жамоамиз аъзосига насиб этмади.
Аёл футболчилар орасида эса Ая Мияма (Япония), элиза Келлонд-Найт (Австралия) ва Руми Утсуги (Япония)лар ғолиблик учун кураш олиб боришади. Ғолиблар 29 ноябр куни бўладиган гала концерт давомида маълум қилинади.
