"Барселона"нинг собиқ футболчиси Хави Эрнандес Лионель Мессига футбол тарихининг энг яхши ўйинчиси, дея таъриф берди.
"Пеле ва Марадона — уларнинг ҳар иккиси ҳам футболга катта ҳисса қўшган, лекин улар футболни ривожланиш босқичида тўп тепишган. Ҳозирги футболчилар улардан кучли. Қолаверса, футболнинг ўзи ҳам ривожланди. Жисмоний, тактик, техник ва руҳий. Месси — энг яхши даврнинг энг яхши ўйинчиси. Яна бир гап: агар Роналду бўлмаганида Месси ҳам ҳозиргидек зўр бўлмасди. Лео ҳам, Криштиану ҳам бир-бирисиз бу қадар кўп "Олтин тўп" юта олмасди. Улар бир-бирини кучайтирмоқда", — дея Хавининг сўзларидан иқтибос келтиради Championat.com ESPN нашрига таяниб.
