“Барселона” ҳужумчиси Лионель Месси испания Ла Лигаси “Реал”га қарши 12-турнинг марказий учрашувини заҳира ўриндиғида бошлайди, деб хабар бермоқда Cope.es га таяниб Спорт Экспресс.

Эслатиб ўтамиз, ўйин 21-ноябрь куни Тошкент вақти билан 22:10да бошланади.

Хабарга кўра, аргентиналик форвард соғлиғи устида таваккал қилмоқчи эмас. Каталония клуби у жароҳатдан тикланаётган вақтда Леосиз ҳам ғалабаларга эришиш мумкинлигини намойиш қилган. Шу сабабли Месси зарурат туғилган тақдирдагина класикода майдонга тушади. Ҳужумчи мураббийлар штабига 90 дақиқа ўйин ўтказишга ҳали тўлиқ тайёр эмаслигини маълум қилган.

Эслатиб ўтамиз, Месси 26-сентябрь куни Примера 6-тури “Лас-Пальмас” билан ўйин вақтида тиззасидан жароҳат олиб сафдан чиққан ва унинг класикода иштироки катта сўроқ остида қолаётганди.