“Манчестер Сити” жамоаси ҳужумчиси Серхио Агуэро “Ливерпуль”га қарши ўйин олдидан ўз фикрлари билан ўртоқлашди.

- “Ливерпуль” билан бўладиган ўйин қийин бўлиши тайин. Мен бу баҳсга оптимал формада етиб боришга ҳаракат қиламан. Милнерни бошқа жамоа либосида кўриш қизиқ бўлса керак. Аммо ишончим комил, у – ҳақиқий профессионал. У биз билан бўладиган матчда ўз клубига қўлдан келганча ёрдам беришга уринади.

Юрген Клопп борасида ҳам фақат ижобий сўзлар айта оламан. У ажойиб мутахассис. Клоппнинг “Боруссия Д” билан амалга оширган ишларига тан бермай илож йўқ. Мен Англияга мана шундай ажойиб футболчи-ю мураббийлар келаётганидан жуда ҳам хурсандман. Шу тариқа, АПЛда рақобат ошмоқда, - дейди Агуэро.