“Ювентус” ҳамда Италия терма жамоаси посбони Жанлуижи Буффон сўнгги йиллардаги футбол тарихидаги энг кучли дарвозабон ҳақида тўхталиб ўтди.

“Мен билан бирга фаолият юритган дарвозабонлар орасида энг кучлиси – Касильяс. У тўпни қўл билан эгаллаб олиш нуқтаи назаридан ҳар доим энг зўри бўлган. Одамлар Яшин, Замора, Дзофф, Майер, Бэнкс ҳақида гапиришади. Агар менинг давримдаги посбонлар орасидан танлайдиган бўлсак,  мен Шмейхель, Дзенга, Пальюка, Субиссаретани тилга олган бўлардим.

Сўнгги ўн йилликда Чех ва Касильяс ҳаммадан зўр бўлишди. Охирги 3 йилдан бери эса Нойер барқарор ўйин кўрсатмоқда.  Чех - улар орасидаги энг универсали. У ўйиннинг барча жиҳати бўйича бирдек яхши кўрсаткичга эга”, - дея Football Italia нашрига таяниб Буффонинг сўзларини келтиради Championat.com.