"Реал" жамоасининг бразилиялик ҳимоячиси Марсело "Барселона" билан ўйиндан кейин ундан микст-зонада интервью олган журналистни ҳақоратлади.
Бир гуруҳ журналистлар орасидаги Radio Marca журналисти Атон Меана Марсело билан савол-жавоб уюштирган. Интервью сўнгида футболчи ҳиссиётларини жиловлаб тура олмаган.
Журналист ундан нега футболчилар "Эл класико"га жиддий ёндашишмаганини сўраган.
"Сиз умрингизда ҳеч футбол ўйнаганмисиз? Сиз қачондир "Бернабеу" чими устида бўлишни тасаввур қила оласизми? Сиз бундай савол беришга муносиб эмассиз. Сиз ўтакетган аҳмоқсиз", деган футболчи.