«Барселона»нинг собиқ президенти Жоан Лапорта 2024 йилда Хавининг бош мураббийлик лавозимини тарк этиши билан боғлиқ воқеаларни ёдга олди.

«Бу шошқалоқлик билан қабул қилинган қарор эмасди. Мен унга кўпроқ тажриба кераклигини, бунга ишончим комил эмаслигини айтгандим, у эса Қатарда тажриба тўплаганини билдирганди. Якунда мен унга ишондим, аммо ҳаммаси кутилганидек бўлиб чиқмади.

Унинг сўзлари бизнинг ёндашувимизни ўзгартириб юборди. Мен ундан жамоага ишонасанми, деб сўрадим ва у «100 фоиз» деб жавоб берди. Бу мени ҳайрон қолдирди, чунки ўтган мавсум давомида у бутунлай бошқача гапирган эди. Орадан икки ҳафта ўтиб эса, у ҳали яна икки йил давомида рақобатбардош бўла олмаслигимизни айтди. Декунинг менга айтишича, Хави 10 нафар футболчини алмаштиришни сўраган», — деди Лапорта «Catalunya Radio» эфирида.

2024 йилнинг ёзида «Барселона» бошқарувини Ханс-Дитер Флик ўз қўлига олган эди.