Германия чемпионати 13-турида Мюнхеннинг "Бавария" жамоаси кеча сафарда "Шальке 04" меҳмони бўлиб, қийинчилик билан ғалаба қозонди.
Учрашувда бир бора муваффақият қозонишга эришган Томас Мюллер ўзига хос натижа соҳибига айланди. “Бавария” матбуот хизматининг маълумот тарқатишича, маҳоратли футболчи кеча ўз ҳисобидаги голлари сонини 83 тага етказиб олди. Бу орқали у Бундеслига доирасидаги учрашувларда “Бавария” сафида энг кўп тўп киритган футболчилар рўйхатида 10-ўринга кўтарилиб олди.
Таъкидлаш жоиз, қачонлардир “Бавария” шарафини ҳимоя қилган футболчилар орасида Герд Мюллер Бундеслигада энг кўп гол урган футболчи саналади. Афсонавий ўйинчи Мюнхен супер клуби таркибида 365 марта рақиблари дарвозасини ишғол қилган.
