Ўзбекистон XXIV миллий чемпионати олий лига учрашувлари якунланди. Навоийнинг “Қизилқум” жамоаси ўн олти жамоа ўртасида мавсумни ўнинчи поғонада якунлади.
Гарчи, мавсум расман ниҳоясига етган бўлса-да, навоийликлар ҳамон футбол нафаси билан яшашмоқда. Футбол клуби 1 декабрь куни Муборакнинг “Машъал” футболчилари билан ўртоқлик учрашуви ўтказишни режалаштиришган.
Мазкур учрашув Навоийдаги “Сўғдиёна” стадионида бўлиб ўтади. Ўйин соат 14.00 да бошланади. Барча мухлисларни ушбу баҳсни томоша қилишга таклиф этамиз.
Маълумот ўрнида шуни таъкидлаш керакки, “Қизилқум” аъзолари ўртоқлик учрашувидан сўнг, қишки таътилга чиқишади. Янги мавсум тадориги эса 15 декабрдан бошланади.
