“Манчестер Юнайтед” ҳимоячиси Гари Невиллнинг фикрича “Реал” ҳужумчиси Криштиану Роналду жамоа билан бирга ортга, яъни ҳимояга қайтмаса ҳам бўлади.

“У “Манчестер Юнайтед” таркибидаги бир неча муҳим учрашувларда ҳам рақиб жарима майдончасига яқин ҳудудда қоларди. Роналду — фаолиятим давомида мен кўрган ва бундай ҳуқуққа тўлақонли эга бўлиши лозим бўлган ягона ўйинчи. У бир мавсумда 45 та гол кирита олади ва бу ғаройиб натижа.

Шунинг учун ҳам жамоаси тўпни олиб қўйган вақтда Криштиануда олдинда тезкорлик намойиш қилиб тўп киритиш учун қулай имконият ҳосил бўлади. Бугунги футболда ҳамма майдон бўйлаб ўйнашни билиши зарур, бироқ Роналду бундан мустасно. Унинг ортга қайтишидан олдиндан қолиши кўпроқ наф келтиради”, — дея Гари Невиллнинг Sky Sports га берган интервьюсини келтиради Championat.com.