Дарвозабон Кейлор Навас фаолияти давомида ҳам Лионель Месси, ҳам Криштиану Роналду билан бир жамоада тўп сурган. Бироқ коста-рикалик посбонда бошқа бир футболчи — Неймар ҳаммадан ҳам кучлироқ таассурот қолдирган.

«Иқтидор жиҳатидан Неймар мени жуда ҳайратда қолдирган. У тўп билан нимани хоҳласа, шуни қиларди ва буни қайси оёқда (ўнг ёки чап) бажаришининг аҳамияти йўқ эди. Уни ўйинларда кузатганимда, худди ўзим фарзандларимга қарши ўйнаётгандек туюларди. Ней — ақл бовар қилмас футболчи», — деди Навас AS нашрига берган интервьюсида.

34 ёшли Неймар ҳозирда «Сантос» шарафини ҳимоя қилмоқда. Аввалроқ бразилиялик ҳужумчи Европада «Барселона» ва «ПСЖ» клубларида тўп сурган.