“Рома” ярим ҳимоячиси Алессандро Флоренци “Барселона”нинг ўзига қизиқиш билдирганидан жуда хурсанд. Италиялик футболчи бундан фахр-ифтихорга тўлганини яширмади.
“Барселона”нинг менга қизиқиш билдирганидан фахрланаман, сабаби бу менинг ишимни тўғри бажараётганим ва йўналиш танлашда хато қилмаганимни англатади. Лекин шунга қарамай ўз вазифамни бажаришда давом этаман. Қайтариб айтаман “Барселона”нинг қизиқишидан фахр-ифтихорга тўлдим, аммо асосий эътиборимни “Рома”га максимал даражада фойда келтиришга қаратганман”, — дея Флоренци сўзларини келтиради Marca га таяниб Championat.com.
“Рома” ва “Барселона” жамоалари ўртасидаги ЕЧЛ 5-тур учрашуви бугун Тошкент вақти билан 00.45 да бошланади. Ўйин “UzReport TV” телеканали орқали тўғридан-тўғри эфирда трансляция қилинади.
