Англиянинг "Манчестер Юнайтед" жамоаси ярим ҳимоячиси Бастиан Швайнштайгернинг хайрлашув учрашуви Мюнхенда бўлиб ўтади. Бу ҳақда "Бавария" клуби ижрочи директори Карл-Хайнц Румменигге кеча жамоанинг йиллик якунлари бўйича бўлиб ўтган йиғилишида маълум қилгагн.
Румменигге Швайнштайгернинг Мюнхендаги 17 йиллик фаолиятидан сўнг ўтган ёзда "туманли альбион"га йўл олганидан мамнун эканлигини ҳамда бу футболчининг орзу эканлиги таъкидлаб ўтган. Бундан ташқари 31 ёшли футболчини ҳар доим "Бавария" билан энг яхши дўст сифатида алоқада қолишини ҳам қўшимча қилган.
– Агар Швайнштайгер қачондир уйига қайтса, "Бавария" хурсанд бўларди, – дейди Румменигге.
Эслатиб ўтамиз, немис футболчининг "қизил иблислар" билан тузган амалдаги шартномаси 2018 йилгача мўлжалланган.
