Биласиз, ҳамюртимиз Алишер Аҳмедов – ҳозирда Мальдив ороллари чемпионати иштирокчиси “Нью Радиант СК” жамоаси дарвозасини қўриқламоқда.

Кеча Мальдив ороллари чемпионатида 13-тур ўйинлари бўлиб ўтди. Унда “Нью Радиант” ўзининг асосий рақобатчиларидан бири саналадиган “Мазия” жамоасига қарши баҳс олиб борди ва 3:1 ҳисобида ғалабага эришди. Бу эса “Радиант”га чемпионат тугашига бир тур қолганида муддатидан олдин чемпион бўлишга имкон берди. Шу тариқа, ҳамюртимиз Алишер Аҳмедов Мальдив ороллари чемпиони номига сазовор бўлди.

Таъкидлаш жоиз, “Нью Радиант СК” ўз тарихида 5-марта мамлакат чемпионлигини қўлга киритди.