"Милан" жамоасининг собиқ футболчиси, жамоа сафида ўйин ўтказиш бўйича рекорд ўрнатган ҳимоячи Паоло Мальдини жамоа раҳбариятини танқид қилди. У раҳбариятни футболни тушунмасликда айблаган.
Қайд этиш керакки, яқин вақтларгача Европа грандларидан бири ҳисобланган "Милан" охирги 2 мавсумда 8 ва 10-ўринларни эгаллади. Жорий мавсумда ўтказилган 14-турдан кейин эса Синиша Михайлович мураббийлигидаги "россонерилар" турнир жадвалининг 7-ўрнида жойлашишган.
"Милан"га футболни тушунадиган одамлар керак. Айни вақтда эса клубда бундай одам йўқ. Галлиани ўз ишини яхши бажаради, у яхши вице-президент ҳисобланади. Лекин унга яхши ёрдамчи керак. Бундай ёрдамчидан футболчиларда жамоага садоқат ва ўзига ишонч уйғотиш талаб қилинади", дейди собиқ футболчи La Gazzetta dello Sport нашрига.