"Локомотив"нинг икки нафар футболчиси - дарвозабон Рустам Нартажиев ва ҳимоячи Сергей Прохоров уч ой малака ошириш мақсадида Англиянинг "Флитвуд Таун" клубига йўл олишганди. Инглиз клуби расмий сайтининг маълумот тарқатишича, ўзбекистонлик футболчилар бугун тонгда юртимизга қайтиб келишади.
Рустам Нартажиев ва Сергей Прохоров сентябрь ойида “Флитвуд Таун” клуби сафига бориб қўшилишганди. Ёш футболчилар у ерда Барри Николсон қўл остида машғулотларда иштирок этишди. Яқинда эса ушбу икки ёш иқтидор эгалари “Флитвуд” таркибида дебют учрашувини ҳам ўтказишди. “Флитвуд” ўз уйида “Карлайл Юнайтед” клубига қарши ўртоқлик ўйини ўтказди. Мазкур ўйинда ўзбек футболчилари ҳам иштирок этиб, ўзларидан ёмон таассурот қолдиришмади.
Уч ой давомида инглиз клуби таркибида машқ қилган футболчиларимиз кеча “Флитвуд Таун” билан хайрлашишди. “Локомотив” ва “Флитвуд Таун” ҳамкорлигининг илк “қалдирғочлари” хориж клуби мутасаддилари, мураббийлари ва футболчиларида ёмон таассурот қолдиришмади. Шу сабабли ҳам хайрлашиш маросимида Нартажиев ва Прохоровларга “Флитвуд” жамоаси асосий таркиб футболчиларининг дастхатлари туширилган либослар тақдим этилди.
Инглиз футболи ҳавосидан “нафас олган” дарвозабон Рустам Нартажиев мазкур лойиҳанинг у каби ёш истеъдодлар учун айни муддао эканини таъкидлади.
- “Флитвуд Таун”да малака оширганимиз жуда соз иш бўлди. Бу ерда шахсан мен ўзим учун жуда кўп нарса ўргандим, улкан тажриба орттирдим. Зеро машғулот жараёнининг ўзиёқ биздагидан анча ўзгача эканига гувоҳ бўлдим. Футболчилик фаолиятимни тугатгач, агар мураббийлик қиладиган бўлсам, бу ерда ўрганганларимни албатта ўз шогирдларимга ўргатаман.
Менга Англия ва “Флитвуд Таун” жуда ёқди. Қисқа муддат бу ерда бўлган бўлсам ҳам инглиз тилини анча ўрганиб олдим. Бундан жуда ҳам хурсандман. Насиб этса, кейинчалик бу ерга яна қайтаман. Зеро инглиз футболи менда ажойиб таассурот қолдирди. “Локомотив” ва “Флитвуд Таун”нинг бундай ҳамкорликни йўлга қўйишганидан мамнунман, - дейди ёш голкипер.
Таъкидлаб ўтамиз, Рустам Нартажиев ва Сергей Прохоров “Локомотив” ҳамда “Флитвуд Таун” жамоалари амалга ошираётган ҳамкорлик доирасида Англияда малака оширган илк футболчиларга айланишди. Мазкур ҳамкорлик доирасидан келажакда яна бир қатор шунга ўхшаш лойиҳалар ўрин олган.
| 06/04 00:00 | Алавес | 2-2 | Осасуна | ||
| 06/04 15:30 | Удинезе | 0-0 | Комо | ||
| 06/04 18:00 | Лечче | 0-3 | Аталанта | ||
| 06/04 21:00 | Ювентус | 2-0 | Женоа | ||
| 06/04 23:45 | Наполи | 1-0 | Милан | ||
| 07/04 00:00 | Жирона | 1-0 | Вильярреал | ||
| 07/04 17:00 | Локомотив | 1-1 | Хоразм | ||
| 07/04 18:00 | Машъал | 0-1 | Бунёдкор | ||
| 07/04 19:15 | Андижон | 0-1 | Навбаҳор | ||
| 07/04 23:59 | Реал Мадрид | - | Бавария | ||
| 07/04 23:59 | Спортинг | - | Арсенал | ||
| 08/04 18:00 | Қўқон-1912 | - | Насаф | ||
| 08/04 19:00 | ОКМК | - | Сурхон | ||
| 08/04 20:15 | Динамо | - | Сўғдиёна | ||
| 08/04 23:59 | Барселона | - | Атлетико | ||
| 08/04 23:59 | ПСЖ | - | Ливерпуль |
“Локомотив” тарбияланувчилари инглиз клубида малака ошириб қайтишди
| Баҳо: |
+ | -
|
Рукн: Янгиликлар
Манба: sports.uz
Киритилди: 09:09, 11.12.2015.
Ўқилди: 3921 марта.
Фикрлар: 2 та.
Ўқилди: 3921 марта.
Фикрлар: 2 та.
ЭНГ КЎП ЎҚИЛГАН ЯНГИЛИКЛАР
«Ҳеч қачон таслим бўлма». «Манчестер Сити» Ҳусановнинг Салоҳга қарши ўйинини эътироф этди (видео) [5795]
Фаолияти давомида фақат бир клубда ўйнаган энг яхши футболчилар рейтинги эълон қилинди [4174]
Симеоне Фликка: "Бу ерга қайтиб келишингни ўйла" (+Видео) [2486]
"Атлетико" етакчиларидан бири "Барселона"га қарши ўйин олдидан шов-шувли баёнот берди [1869]
«Реал» - «Бавария» учрашувида жамоаларининг имкониятлари таҳлил қилинди [1862]
Ким фаворит? Суперкомпьютер 2025/26 йилги мавсумда Чемпионлар Лигаси ғолибини тахмин қилди [1735]
Клублар ўзи тарбияланган футболчилари сотувидан қанча даромад топгани аниқ бўлди — CIES [1534]
Transfermarkt: "ПСЖ" президенти Ямал билан Лондонда кўришди [1430]
| Асосий сахифа |
|
© STADION.UZ Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт. Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар. |
|
|