Ла лиганинг 16-туридан ўрин олган "Реал" ва "Райо Вальекано" жамоалари ўртасидаги ўйинни иккига бўлсак, тўғри бўлади: жуда шиддатли ўтган 30 дақиқа ва ўта зерикарли 1 соат.

Ўйиннинг 3-дақиқасида мадридликлар қарши ҳужумда ҳисобни очишди. Гол муаллифи — Данило. Учрашувнинг 10 ва 12-дақиқаларида Майя ва Хосабеднинг голлари эвазига ҳисобда олдинга чиқиб олди. Орадан 3 дақиқа ўтиб ҳакам меҳмонлар футболчиси Титони ҳақли равишда майдондан четлатди. У Крооснинг оёғига бутсасининг тишлари билан хавфли ташланди.

Ўйининг 20-дақиқасида қанотдан етказилган узатмани Бэйл бош билан дарвозага жойлади ва ҳисобни тенглаштирди. Орадан 8 дақиқа ўтиб эътибор беришга арзимайдиган жойда ҳакам пенальти белгилади ва огоҳлантириши бор Баенага иккинчи "сариқ" кўрсатди ва уни ҳам майдондан четлатди. Пенальтини Роналду голга айлантирди ва шу билан ўйин тугади.

Қолган 60 дақиқа ичида "Реал" рақиб дарвозасига 7та гол урди. Бэйл покер, Бензема хет-трик, Роналду дубл қайд этишди. "Мадрид" ҳисобига эса 3 очко қўшилди.

Ла лига, 16-тур
Реал Мадрид – Райо Вальекано 10:2 (4:2, 6:0)
Голлар: 1:0 – 3 Данило, 1:1 – 10 Амайя, 1:2 – 12 Хосабед, 2:2 – 25 Бэйл, 3:2 – 30, пенальти Роналду, 4:2 – 41 Бэйл, 5:2 – 48 Бензема, 6:2 – 53 Роналду, 7:2 – 61 Бэйл, 8:2 – 70 Бэйл, 9:2 – 79 Бензема, 10:2 – 90 Бензема.
Реал Мадрид – Навас, Пепе, Марсело (Васкес, 62), Данило, Рамос, Модрич, Кроос, Хамес (Ковачич, 65), Бэйл (Арбелоа, 74), Роналду, Бензема.
Райо Вальекано – Йоэль, Зе Каштру (Caballero, 80), Мартинес, Тито, Амайя, Баена, Трасоррас, Хосабед, Эрнандес (Марин, 21), Бангура (Бебе, 63), Герра.
Огоҳлантиришлар: Трасоррас (15), Баена (19), Мартинес (27), Данило (72).
Четлатишлар: Тито (14), Баена (28).