Миср футболи етакчиси «Замалек» ноҳақ ҳакамликка қарши норозилик сифатида чемпионатдан чиқиб кетишини эълон қилди.
Кеча бўлиб ўтган навбатдаги тур бахсида «Замалек» сафарда «Эл-Гейш»га қарши баҳс олиб борди ва 2:3 ҳисобида имкониятни бой берди. Бу ўйинда ҳакам меҳмонлар дарвозаси томон 2та шубҳали пенальти белгилаган.
"Замалек"нинг таъкидлашича, жамоа бу ўйинга ушбу ҳакамнинг тайинланишига қарши бўлган. Шунга қарамай, Миср футбол федерацияси ҳакамни ўзгартирмаган. Клуб эса федерацияни ўзига қарши ишлашда айбламоқда.
Эслатиб ўтамиз, "Замалек" Мисрнинг амалдаги чемпиони ҳисобланади. Айни пайтда "Замалек" 6та ўйиндан сўнг 13 очко билан 6-ўринни эгаллаб турибди. Улардан 2та ўйин кўп ўтказган "Эл-Даклия" 20 очко билан жадвални бошқармоқда.
