“Олмалиқ”нинг Қорақалпоғистонлик ярим ҳимоячиси Cаламат Қуттибоев Олий лига-2015да 26 учрашувда майдонга тушди.

29 ёшли футболчи 26 ўйиннинг 21 тасида 90 дақиқа ҳаракат қилган бўлса, 24 учрашувда илк дақиқалардаёқ майдонга тушган. Қизиқарли жиҳати Саламат “Бухоро”га қарши кечган ҳар иккала ўйинда ҳам иккинчи таймда майдонга тушган.

Қуттибоев мавсум давомида рақиблар посбонларини 5 марта ранжитишга муваффақ бўлди. У илк голини 6-турда сафарда “Бухоро” дарвозасига киритган. Сала (мухлислар уни исмини қисқартириб шундай аташади – изоҳ.) 58 дақиқада заҳирадан майдонга тушиб 76 дақиқада ўз номини таблога ёздириб қўйган ва жамоасининг йирик 4:0 ҳисобидаги ғалабасига муносиб ҳисса қўшган эди. У қолган 4 голини 2-даврада урди. 18-турда “Андижон”га қарши сафардаги ўйинда (4:2), 23-турда “Шўртан”га қарши уйдаги учрашувда (3:1) биттадан гол урган бўлса, 25-турда Олмалиқда кечган баҳсда “Yавбаҳор” дарвозасини икки бора ишғол қилиб жамоасининг 2:1 ҳисобидаги ғалабасини таъминлаган.

Қуттибоев мавсум давомида 8 учрашувда ҳакамларнинг сариқ карточкаси билан “сийланди”. У “Қўқон-1912”, “Шўртан”, “Металлург” (2 марта), “Пахтакор”, “Машъал”, “Навбаҳор”, “Нефтчи” жамоаларига қарши баҳсларда ҳакам томонидан оггоҳлантирилган.

Фактлар
1. Саламат голларининг 3 тасини уйда, 2 тасини сафардаги ўйинларда киритган.
2. Қуттибоев 2 голини биринчи, 3 голини эса иккинчи таймларда урган!
3. Саламат гол урган ўйинларда “Олмалиқ” жамоаси фақат ғалаба қозонган.
4. У 25-27 турларда қаторасига уч ўйиунда сариқ карточка олган.
5. Қуттибоев 8 сариқ карточкасининг 5 тасини биринчи, учтасини эса иккинчи бўлимларда “ишлаб” олган.

Фурқат Юсупов тайёрлади
Манба: www.Furkat.uz