Британиянинг The Guardian нашри ўз талқинига кўра 2015 йилнинг энг яхши футболчилари номини элон қилди. 49 мамлакатнинг 123 таҳлилчилари иштирок этган овоз бериш натижаларига кўра, «Барселона» ҳужумчиси Лионель Месси жорий йилнинг энг яхши футболчиси деб топилди.
Иккинчи ўринни «Реал» ҳужумчиси Криштиану Роналду банд этди. Кучли учликни «Барселона»нинг бошқа бир форварди Неймар якунлаб берган.
Шунингдек, дастлабки кучли ўнталикдан Луис Суарес («Барселона»), Роберт Левандовски («Бавария»), Томас Мюллер («Бавария»), Златан Иброҳимович («ПСЖ»), Мануэль Нойер («Бавария»), Серхио Агуэро («Манчестер Сити»), Алексис Санчес («Арсенал») ўрин олишган.