Зепп Блаттер ФИФА раҳбарлигини 1998 йилнинг 8 июнида қабул қилиб олди. Шундан сўнг бешта жаҳон чемпионати ўтказилди - Франция-1998, Япония|Корея-2002, Германия-2006, ЖАР-2010, Бразилия-2014.
Иккита мундиал мезбонлари аниқланди - Россия-2018, Қатар-2022.
ФИФА аъзолари сони 190дан 209 нафаргача ортди (1970 йили Халқаро федерацияда 137 киши фаолият юритган).
ФИФАнинг йиллик даромади 560 миллион доллардан 5,7 миллиардга ошди.
ФИФА турли даражадаги молиявий кўмаклар учун 11,9 миллиард доллар ажратди.
ФИФА Goal дастури доирасида 698та лойиҳани молиялаштирди.
Блаттер ва Платинига кейинги саккиз йил ичида футболга алоқадор ҳар қандай соҳада фаолият юритиш тақиқланди. Жазо кучга кирди. Блаттер 50 минг, Платини эса 80 минг Швейцария франки миқдорида жарима тўлайди.
Жазо қўлланилишига сабаб - ФИФА президенти ҳисобланган Блаттер 2011 йилнинг февралида Платинининг ҳисобига 2 миллион Швейцария франки ўтказиб берган. Ушбу келишув расмий шартларга асосан бажарилмаган, унинг оғзаки тарзда амалга оширилгани эса ишонарли далил сифатида қабул қилинмади.
Ҳар икки мутасадди ФИФАнинг этик меъёрлар Кодекси, хусусан, совғалар олиш ва топширишни назорат қилиш билан боғлиқ бандларни бузганликда айбдор, деб топилдилар. Коррупция, пора олганлик ва берганлик борасидаги далиллар етарли эмас, деб ҳисобланди
