Мадриднинг "Реал" клуби "Манчестер Сити" ярим ҳимоячиси Родрини ўз сафига қўшиб олиш фикридан қайтди.
Испаниялик футболчи ўтган йилнинг сентябрь ойида хочсимон пайидан олган жароҳатидан кейин ҳамон оптимал спорт формасига кира олмаяпти. Transfer News Live нашрининг El Nacional’га таяниб хабар беришича, хавбек "Реал"га ўтмайди - "қаймоқранглилар" ёш номзодларга ўтган. Манбага кўра, Мадрид гранди Англиянинг "Кристал Пэлас" клубидан Адам Уортон ва Нидерландиянинг "АЗ Алкмаар" клубидан Кес Смитга алоҳида қизиқиш билдирмоқда. Иккала футболчи ҳам клуб томонидан узоқ муддатли истиқбол учун кучайтириш сифатида кўрилмоқда.
Transfermarkt портали 21 ёшли Уортоннинг нархини 60 млн еврога, 19 ёшли Смитнинг нархини эса 22 млн еврога баҳолаган.













