"Навбаҳор" клубида юзага келаётган ўзгаришлар хусусида маълумот беришда давом этамиз.
Ашурматов "лочинлар"ни тарк этгач, футболчилар ҳам жамоадан кетишни афзал кўришмоқда. Хусусан, маҳоратли ҳимоячи Раҳматулло Бердимуродов "Олмалиқ" клубига ўтишга яқин бўлса, Ш.Эркинов, С.Шихов, А.Саматов, Р.Ашурматов, Х.Хўжаев, Р.Ҳасанов каби ўйинчилар ҳам янги мавсумни бошқа жамоаларда ўтказишлари мумкин.
Дарвоқе, "Навбаҳор"нинг эндиликдаги собиқ мураббийи Бахтиёр Ашурматов яна "Бунёдкор"га қайтяпти.
Рашид Ғофуров клуб бош мураббийи постини расман эгаллагандан сўнг, таркибни асосан маҳаллий футболчилар ҳисобига тўлдирмоқчи. М.Ғофуров, Х.Каримов, С.Асқаралиев, А.Абдуллаев, А.Нўъмонов, Ғ.Комилов шулар жумласидандир.













