Мюнхеннинг "Бавария" клуби ҳужумчиси Томас Мюллер бу мавсум жамоасига бўлаётган катта босим таъсир ўтказа олмаслигини ва яхши натижаларга эриишиш учун охиригача курашишини таъкидлаб ўтди.
– "Бавария" футболчилари ҳар қандай босимга чидай олади. Бу нарса уларга ноқулайлик туғдирмайди. Германияда бизнинг жамоамиз ҳар доим катта эътиборда бўлиб келган, – дейди Мюллер Bild нашрига. – Биз ҳар доимгидек максимал натижага эришиш учун курашамиз. Аммо тан олиш керакки, бу осон кечмайди.
Эслатиб ўтамиз, мюнхенликлар ҳозирча барча турнирлар муваффақиятли иштирок этмоқда. Германия чемпионатида 17-турдан сўнг турнир жадвалида 46 очко билан яккапешқадамлик қилмоқда. ЕЧЛ 1/8 финалида эса Туриннинг "Ювентус" клуби билан баҳс олиб боради.
