"Барселона" клуби ярим ҳимоячиси Арда Туран янги жамоадоши Андрес Иньеста унинг кумири эканини айтиб ўтди. Айнан Иньеста туфайли туркиялик футболчи "каталонияликлар" сафига келиб қўшилган.    - Иньеста доимо менинг кумирим бўлган. У менндан атиги уч ёш катта, шунга қарамай, уни жуда хурмат қиламан. Иньестага қарши майдонда тўп сурганимда, унга нисбатан ўйин қоидасини бузишга тўғри келган ва бу нарса менга жуда оғир ботган. Айнан Иньестага нисбатан ишлатган фолларим сабабли "Барселона"га ўтган бўлсам керак, - туркиялик футболчининг сўзларидан иқтибос келтиради  Catalunya Ràdio.    Эслатиб ўтамиз, Арда Туран жорий мавсум бошида "Барселона"га келиб қўшилганди. Бироқ, ФИФА томонидан клубга қўйилган тақиқ туфайли туркиялик футболчи бир неча кун аввал "кўк-анорлилар" сафидаги дебютини Испания Кубоги доирасида ўтказди.