Дортмунднинг «Боруссия» жамоаси ҳужумчиси Пьер-Эмерик Обамеянг ўзининг «Арсенал» жамоасига ўтиши ҳақидаги хабарларга муносабат билдириб ўтди.

«Мен «Арсенал» сафига ўтишни истамайман. Мен Дортмундни яқин вақт ичида тарк этмоқчи эмасман», деган габонлик ушбу футболчи ESPN нашри мухбирига.

Бундан олдинроқ, Африканинг 2015 йилдаги энг яхши футболчиси сифатида мукофотланган 26 ёшли футболчига «Арсенал» жамоаси 60 миллион евро таклиф қилгани ҳақида хабар берилганди.

Дортмундликлар ҳам айнан шунча миқдордаги маблағ эвазига ушбу футболчисини сотишга рози бўлишини билдирганди.

Маълумот учун, Обамеянг жорий мавсумда бундеслиганинг 17та учрашувида 18та гол урган ва мавсумда «Олтин бутса» мукофоти учун асосий давогарлардан бири ҳисобланади.