Мюнхеннинг “Бавария” клуби ҳужумчиси Роберт Левандовский Польшанинг 2015 йилги энг яхши спортчиси деб топилди. Бу билан Левандовский 1926 йилдан бери ушбу совринни қўлга киритган учинчи футболчига айланди. Przeglad Sportowy нашри айнан 1926 йилдан бери мамлакатнинг энг яхши спортчисини аниқлаб келмоқда.

Робертдан аввал мазкур мукофот билан Вацлав Кухар ҳамда Збгинев Бонек тақдирланган эди. Кухар футболдан ташқари хоккей ва енгил атлетика бўйича кўп карра Польша чемпиони бўлган. Збигнев Бонек 1982 йили терма жамоа таркибида жаҳон чемпионатининг бронза медалларини қўлга киритгача, ушбу совринга лойиқ кўрилганди.













