«Амкар»нинг нигериялик футболчиси Фегор Огуденинг рафиқаси орадан 6 кун ўтиб ўғрилар қўлидан озод қилинди.
Бу ҳақда Нигерия терма жамоаси матбуот котиби ва футболчи оиласининг дўсти Тими Эбикагборо хабар берди.
«Худога шукр, Огуденинг рафиқаси озод қилинди ва у ҳозир оиласи билан бирга», – дея ёзди Эбикагборо ўзининг твиттерида.
Аввалроқ ўғрилар аёлни қўйиб юбориш учун пул талаб қилишганди. Уларнинг талаби қондирилдими ёки йўқми, бу ҳақда маълумот берилмаган.













