"Лацио"нинг германиялик тажрибали ҳужумчиси Мирослав Клозе жорий мавсум якунида "бутсаларини михга илади". Бу ҳақда La Repubblica нашри хабар тарқатган.
37 ёшли ушбу жаҳон чемпиони АҚШ ва Хитой чемпионатларидани жамоалардан бўлган таклифларни рад этган ва "Лацио" ўзининг фаолиятидаги сўнгги жамоаси бўлиб қолишини билдирган.
У футболчиликдан кейин ёшлар мураббийи бўлиб ишлашни режалаштирмоқда.
Эслатиб ўтамиз, Бразилияда ўтказилган 2014 йилги жаҳон чемпионатида олтин медалларни кўксига таққан бу футболчи мезбонларга қарши учрашувда гол уриб, мундиаллар тарихидаги энг яхши тўпурарга айланганди (15та гол). Клозе Германия термаси билан 4та мундиалда иштирок этган. У 2011 йилда "Лацио" сафига келиб қўшилган ва бу жамоа билан 149та учрашув ўтказиб, 56та голга муаллифлик қилганди