Мадриднинг “Реал” клуби ҳимоячи Лукас Васкеснинг келажаги борасида бир қарорга келди.
Marca хабарига кўра, Мадрид клуби 32 ёшли футболчига яна бир мавсум - 2025 йилнинг ўрталаригача янги шартнома таклиф қилмоқчи.
Васкеснинг амалдаги меҳнат шартномаси июнь ойи охиригача амал қилади. Умуман олганда, футболчи "лос-бланкос"нинг асосий жамоасида 347 та ўйин ўтказган ва унда 36 та гол урган ва шериклари учун 65 та голли узатмани амалга оширган.
Лукас Васкес ўзининг кўп қирралилиги билан ажралиб туради - футболчи бутун ўнг қанот бўйлаб, ҳатто ҳужум ва ҳимояда ҳам ҳаракат қила олади.
