2024 йилги Англия Суперкубоги учун "Манчестер Сити" "Манчестер Юнайтед" билан тўқнаш келади.
Ўйин 10 август куни "Уэмбли"да бўлиб ўтади.
Ушбу ўйинда “шаҳарликлар” 2023/24 йилги Премьер-лигада ғолиби сифатида, “Қизил иблислар” шанба куни “Ман Сити” устидан қозонилган ғалабадан кейин (2:1) Англия кубоги соҳиби сифатида иштирок этишади.
"Ман Сити" тарихида 6 марта Англия Суперкубогини қўлга киритган, охирги марта 2019 йилда. Шу билан бирга, Пеп Гвардиола шогирдлари ушбу соврин учун сўнгги учта ўйинда мағлуб бўлишди.
“Манчестер Юнайтед” мамлакат Суперкубогини қўлга киритиш бўйича рекордчи (21 марта). “Қизил иблислар” охирги марта 2016 йилда совринни қўлга киритган эди.
Ўтган йили “Арсенал” “Ман Сити”ни мағлуб этиб (1:1, пенальтилар сериясида 4:1) Англия Суперкубогини қўлга киритганди.
