Лионель Месси "Барселона" аёллар жамоасини Чемпионлар лигасидаги ғалабаси билан табриклади.
Каталония жамоаси турнир финалида “Лион”ни 2:0 ҳисобида мағлуб этиб, кубокни қўлга киритди.
"Барселона" аёллар ўртасидаги Чемпионлар лигасида кетма-кет иккинчи ва тарихда учинчи марта ғалаба қозонди. У бунгача 2020/21 ва 2022/23 йилги мавсумларда муваффақият қозонган.
Жорий мавсумда “Блауграна” аёллар жамоаси тўртта мусобақа ғолибига айланди – Чемпионлар лигасидан ташқари чемпионат, кубок ва Испания Суперкубогини ҳам қўлга киритди.
Лионель Месси ўз Instagram ҳикоясида жамоанинг суратини жойлаштирди ва унга: “Чемпионларни табриклайман!” деб изоҳ қолдирди.
