Александр Волков мураббийлигидаги Ғузорнинг “Шўртан” жамоаси бугун ўз қароргоҳида эрталабки ўқув-йиғин машғулотларини ўтказди.

Яқинда Муборакнинг “Машъал” жамоасидан “Шўртан” йиғинларига  келиб қўшилган ёш ва иытидорли футболчи Холмурод Холмуродов афтидан “оқ бўрилар”нинг янги мураббийига маъқул келмади ва у ўз жамоаси “Машъал”га қайтиб кетди.

Бугунги машғулотдан сўнг жамоа футболчиларига уч кунлик таътил берилди. Улар 17 январда энди Тошкентда  йиғилишади ва тайёргарликларни иккинчи босқичини бошлашади.

Машғулотлар Тошкент шаҳрининг “Обод” жамоаси тасарруфидаги сунъий қопламали майдонда, кунига икки мартадан ўтказилиши режалаштирган ва  бу йиғин 31 январгача давом этади.

“Шўртан” жамоаси Тошкентдаги йиғинда бир нечта назорат учрашувлари ҳам ўтказиши мумкин.

Тошкентдаги йиғин давомида жамоа бош мураббийи янги футболчиларни ҳам кўрикдан ўтказишни режалаштирган.

Фахриддин ЧОРИЕВ.