ПСЖ ярим ҳимоячиси Анхель ди Мария Франция чемпионати Лиги 1нинг декабрь ойидаги энг яхши футболчиси дея эътироф этилди. Аргентиналик футболчи мамлакат профессионал футболчилар ассоциацияси (UNFP) томонидан ўтказилган сўровнома якунларига кўра, ғолибликни қўлга киритди.
Иккинчи ўрин "Анже" жамоаси ярим ҳимоячиси Шейк Ндойега насиб этган бўлса, Ди Мариянинг жамоадоши Златан Ибрагимович учинчи ўринга якун ясади.
Декабрда Ди Мария тўртта учрашувда майдонга тушиб, икки гол (тўрт пас)га муаллифлик қилган ҳолда, жамоасининг 12 очкодан 10 очко жамғаришида асосий роль ўйнади.
