Йиғилиш Фарғонадаги вилоят архитектура ва қурилиш бош бошқармасининг мажлислар залида ўтказилди. Фан-клуб бошлиғи Абдурахим Оламов йиғилишни олиб борди. Унда 2015-йил якунларига бағишланган ҳисобот тингланди. Жорий мавсум режалари ва фан-клубга янги аъзоларни қабул қилиш, рўйхатдан ўтиш тартиб қоидалари ҳақида ҳам фикр юритилди.
Анжуманда сўзга чиққан, мухлислар клуби аъзоси Сайдулло Қирғизбоев, Водий жамоаларининг мухлислар клуби билан хамкорликни янада кучайтириш ва тажриба алмашиш, клуб баннер, атрибутика ва шифларни ишлаб чиқиш, ўйингоҳларда тартиб интизом маданиятини яхшилашга доир фикрларини билдириб ўтди.
Йиғилишда “Нефтчи” ПФК матбуот хизмати вакили Бахордир Эргашев ҳам иштирок этди. Якунда Қодирали Рўзиматов фан-клуб раиси ёрдамчиси етиб тайинланди.
“Нефтчи” ПФК матбуот хизмати.
