«Реал» жамоасининг афсонавий ҳужумчиси Рауль Гонсалес Испаниянинг бошқа бир жамоаси «Барселона»нинг ўтган мавсумда ЕЧЛ ғолиби бўлганидан қувонганини эслаб ўтди. У ҳеч қачон халқаро майдонларда бу жамоага мағлубият тиламаганини қўшимча қилиб ўтган.
«Мен «Барселона»нинг ЕЧЛ финалидаги ғалабасидан хурсанд бўлганимни яшириб ўтирмайман. «Реал» ва «Барселона» жамоаларининг рақобати икки жамоа ривожи учун хизмат қилади. «Реал» «Барселона»сиз, «Барселона» «Реал»сиз яшай олмайди. Бу жамоалар бир-бирига керак. Айнан шунинг учун ҳам мен «Барселона»нинг муваффақиятсизликка учрашини истамайман», дейди Рауль Vanity Fair нашрига берган интервьюсида.