ФИФА президентлиги учун номзодлардан бири, Иордания шаҳзодаси Али ибн ал-Ҳусайн АР нашрига берган интервьюсида сайловлар ҳаққоний ўтса, албатта ўзи ғолиб чиқиши ҳақида айтган.
"Мен ишонаманки, агар сайлов белгиланган қоидалар бўйича ўтказилса, албатта ғалаба қозонаман. ФИФА айни вақтда инқиоз ҳолатида турибди. Биз бу вазиятни тузатишимиз керак. Дунё футболида кўплаб яхши одамлар ҳам бор. Лекин ФИФАга бу соҳани яхши тушунадиган, бу вазиятдан чиқиш учун нима чоралар кўришни аниқ биладиган раҳбар керак. Мен ўзимни бу ишларни амалга ошира оладиган ягона номзод сифатида кўрмоқдаман", дейид шаҳзода.
ФИФАнинг янги президентини аниқлаш учун сайлов Цюрих шаҳрида 26 февраль куни ўтказилади.
Эслатиб ўтамиз, ФИФА президентлиги учун Инфантинодан ташқари шайх Салмон ибн Иброҳим Ал-Халифа, Иордания шаҳзодаси Али бин Ал-Ҳусайн, ФИФАнинг собиқ бош котиби Жером Шампань ва жанубий африкалик миллионер Токио Сексвале кураш олиб боришмоқда.
